درس عن الساعة في اللغة الالمانية درس كامل

شرح عن الوقت..(الساعة)

اخترت طريقة هي الاكتر استخداما بين العامة

اول شي لازم نحفظ بعض الكلمات 

نص Halb هالب

ربع viertel فيرتل 

قبل vor فور 

بعد nach ناخ

وقت حدا يسألنا عن الساعة

بقلنا ....

Was spät ist es? = شقد الساعة

او ممكن يسألنا بهالطريقة

Wie viel ist Uhr? = شقد الساعة 

بنجاوب 

Es ist =انها تكون

بنبلش بالدقايق لكن مابنذكر كلمة دقيقة وبعد منها بنحكي الساعة .

مثال 4:05 (الساعه خمسة بعد الاربعة يعني 5 دقايق بعد الساعه 4 )

خلينا نحول هالحكي للألماني 

Es ist fünf nach vier

مثال تاني 4:10 (الساعه عشرة بعد الاربعة )

Es ist zehn nach vier

قواعد اساسية في الساعة...

عنا خمس قواعد اساسيات لازم نحفظهم ..

القاعدة الأولى: عند نصف الساعة ...

الالمان بذكروا كلمة halb والساعة يلي بعدا ...كيف؟؟؟

مثال 4:30 بدل مايقولوها اربعة ونص بحكوا نص الخمسة

تاعوا نحولها للالماني 

Es ist halb fünf =4:30 

مثال تاني 

الساعة 12:30 =نص الوحدة 

Es ist halb eins =12:30

القاعدة التانية: عند الدقايق 25 متل الساعه 4:25 بلفظوها خمس دقايق قبل نص الخمسة

بما انو ضل 5 دقايق لتصير الساعة 4:30 وهاد الوقت بلفظوه نص الخمسة .

خلينا نشوفا بالالماني 

Es ist fünf vor halb fünf =4:25

القاعدة التالتة: عند الدقايق 35 متل الدقايق 4:35 بلفظوها خمس دقايق بعد نص الخمسة

وبالالماني 

Es ist fünf nach halb fünf =4:35

القاعدة الرابعة: عند الدقايق 15 او 45 بنقول viertel (فيرتل ) يعني ربع

القاعدة الخامسة: قبل تمام الساعة بدقيقة او دقيقتين او بعد تمام الساعة كمان بدقيقة او دقيقتين 

بنحكي kurz (كوغتس)

وبتعني متل مابنحكي تقريبا خمسة

4:58= Es ist kurz vor fünf 

5:02 =Es ist kurz nach fünf

ماتبقى من 5 دقايق ل 20 بنكتب الدقايق بعدا كلمة nach (يلي معناتا بعد) وبعدا بنكتب الساعة

مثال...

4:10 =zehn nach vier (عشرة بعد الاربعه)

4:15 =viertel nach vier (ربع بعد الاربعه )

ومن 40 دقيقه ل 55 بنكتب الدقايق وبعدا كلمة vor (قبل ) وبعدا الساعة

مثال ..

4:40 =zwanzig vor fünf (عشرين قبل الخمسه)

متل العربي خمسة الا تلت 

هنن بقولوا عشرين دقيقة قبل الخمسة

4:45 =viertel vor fünf (ربع قبل الخمسة )

4:50 =zehn vor fünf (عشرة قبل الخمسة)